Strategaeth Codi Arian

Gweithdy ar-lein: Datblygu eich Strategaeth Codi Arian gyda’r Sefydliad ar gyfer Gwelliant Cymdeithasol

Gall strategaeth codi arian eich helpu i flaenoriaethu a chanolbwyntio’ch ymdrechion codi arian, a’ch helpu i fod yn fwy cynaliadwy. Fodd bynnag, gall ymddangos fel proses frawychus mewn sefydliad bach. Edrychodd y cwrs hwn (dros ddau weithdy hanner diwrnod) ar sut i ddatblygu strategaeth codi arian. Rhoddodd fap ffordd strwythuredig ac offer perthnasol i’r rheiny a gymerodd ran, i’w galluogi i gynhyrchu a gweithredu strategaeth codi arian sefydliadol. Erbyn diwedd yr ail ran hon o’r gweithdy, yr amcanion oedd i gyfranogwyr allu gwneud y canlynol:

• Disgrifio pwrpas strategaeth codi arian a lle mae’n cyd-fynd â strategaethau a chynlluniau sefydliadol eraill
• Nodi elfennau allweddol strategaeth codi arian
• Defnyddio offer cynllunio strategol i adolygu eu sefyllfa codi arian bresennol a dewis opsiynau codi arian priodol.

Mae’r fideo hwn sydd wedi’i recordio yn addas ar gyfer unrhyw un sydd eisiau datblygu neu adnewyddu eu strategaeth codi arian.

Lawrlwythwch y ddogfen hon i’ch helpu i weithio drwy’r ymarferion yn y Gweithdy:

Datblygu eich Strategaeth Codi Arian | Rhan 1 Sylfaen ar gyfer Gwelliant Cymdeithasol

Datblygu eich Strategaeth Codi Arian | Rhan 2 | Sylfaen ar gyfer Gwelliant Cymdeithasol

Pecyn Cymorth Codi Arian gan INTRAC

Yn yr hyn sydd bellach yn farchnad orlawn a chystadleuol, gall codi arian deimlo fel sefyllfa  ‘catch 22’ ar gyfer sefydliadau bach a diaspora: heb arian, does dim llawer o gapasiti ond yn aml, nid oes gennym yr amser, yr adnoddau na’r sgiliau i godi arian yn effeithiol. Fel rhan o Raglen Dysgu Cyfoedion Common Ground Initiative, cynhyrchodd INTRAC y pecyn cymorth hwn yn nodi pwysigrwydd cynllunio strategol ar gyfer codi arian.

Taflen Awgrymiadau Ar Strategaethau Codi Arian Hub Cymru Africa

Beth allai strategaeth codi arian ei olygu i chi? Lawrlwythwch ein taflen awgrymiadau  yma i’ch helpu i ddechrau cynllunio sut i godi arian.