Materion Mislif Rhan 2

Mae iechyd mislif a chyfiawnder yn parhau i fod yn heriau byd-eang cymhleth sy’n cysylltu ymarferwyr a chymunedau ar draws Cymru ac Affrica.

O ganlyniad i’r diddordeb cryf yn ein sesiwn Cymuned Ymarfer Rhywedd blaenorol ar dlodi mislif, mae’r digwyddiad dilynol anffurfiol hwn yn cynnig cyfle i ddod at ein gilydd unwaith eto, rhannu profiadau a dyfnhau’r drafodaeth.

Yn hanner cyntaf y sesiwn, byddwn yn canolbwyntio ar ddylunio cynhyrchion mislif cynaliadwy a phriodol i’r cyd-destun:

• Sut y gall partneriaethau gefnogi cynhyrchion arloesedd lleol a darparu atebion ymarferol a parhaol?
• Pa fodelau o adeiladu padiau sydd wedi profi’n effeithiol, a pha rai sydd heb?
• Pa syniadau newydd neu syniadau sy’n dod i’r amlwg allai helpu i oresgyn rhwystrau presennol, ac arwain at fwy o bobl yn eu defnyddio?

Bydd yr ail hanner yn archwilio dulliau ariannu, heriau a chyfleoedd:

• Sut allai cyllid cynaliadwy edrych?
• Beth yw potensial modelau mentrau cymdeithasol o ran galluogi systemau i fod yn hunangynhaliol?
• Sut y gall pobl sydd ynghlwm – yn lleol ac yn rhyngwladol – gydweithio’n fwy effeithiol?

Ymunwch â ni i barhau â’r sgwrs, dysgu gyda’n gilydd, ac ystyried ffyrdd ymlaen.

Cadeirydd: Mariama Djelo Bah

Mae Mariama Djelo Bah yn Gynrychiolydd Gwlad URBOND yn Guinea, cymdeithas elusennol sydd wedi ennill sawl gwobr, sy’n hyrwyddo cydlyniant hiliol ac amrywiaeth, sy’n creu cyfleoedd i bobl ifanc, ac sy’n helpu plant i gael mynediad at addysg mewn ardaloedd na fyddent o bosibl wedi gallu cael hynny fel arall.

Yn Guinea, mae Mariama yn arwain mentrau i wella mynediad at addysg a hyrwyddo lles plant, yn enwedig merched. Ers 2019, mae URBOND wedi adeiladu ysgolion, darparu adnoddau dysgu a mynd i’r afael â gwahaniaethau ar sail rhywedd mewn addysg. O dan ei fenter addysg plant, mae’r sefydliad wedi bod yn darparu pecynnau mislif i ferched ysgol y gellir eu hailddefnyddio a trwy bartneriaeth gyda Days for Girls UK, mae URBOND wedi dechrau cynhyrchu’r pecynnau hyn yn lleol, gan fynd i’r afael â thlodi mislif a hefyd, darparu cyfleoedd cyflogaeth i fenywod lleol.

Mae Mariama wedi arwain nifer o weithdai ar fislif, addysg rhyw ac FGM (anffurfio organau cenhedlu benywod) hefyd, ac yn grymuso merched gyda gwybodaeth hanfodol a sgiliau bywyd

Ynghylch y Gymuned Ymarfer Rhywedd

Mae Cymuned Ymarfer Hub Cymru Africa yn lle diogel, dewr a chynhwysol i ddysgu a rhannu ymysg y rhai sy’n ymwneud â hyrwyddo cydraddoldeb rhywedd, cyfiawnder rhywedd, a grymuso merched drwy brosiectau undod byd-eang.

Rydym yn cyfarfod 3 i 4 gwaith y flwyddyn, ac yn canolbwyntio ar thema wahanol bob tro.

Rydym yn croesawu awgrymiadau ar gyfer pynciau, siaradwyr, ac adborth. Mae hwn yn ofod i chi hefyd. Anfonwch e-bost atom – advice@hubcymruafrica.wales.