EN
EN
Mae hwn yn gyfle datblygu, i dreulio 8 wythnos yn Lesotho, yn cefnogi myfyrwyr coleg gyda’ch arbenigedd cwnsela, fel rhan o’r Rhaglen Cyfleoedd Dysgu Rhyngwladol sydd yn cael ei hariannu gan Lywodraeth Cymru.
Mae’r lleoliad mewn campws lloeren coleg sy’n cynnig hyfforddiant cychwynnol i athrawon, yn ogystal â datblygiad proffesiynol parhaus ar gyfer addysgwyr yn Lesotho.
Mae uned cymorth myfyrwyr y coleg wedi cael ei sefydlu’n ddiweddar, ac mae hi’n dal i gael ei ddatblygu. O ganlyniad i’r lleoliad hwn, bydd y coleg yn ceisio gwella eu dealltwriaeth o’r canlynol:
Yn benodol, maen nhw eisiau gwella eu hiechyd meddwl a darparu mwy o gefnogaeth emosiynol i fyfyrwyr mewn meysydd fel straen academaidd a sgiliau astudio, materion cymdeithasol/cyfoedion, camddefnyddio sylweddau a chyffuriau, beichiogrwydd annisgwyl a chefnogaeth ar gyfer anghenion arbennig/ anawsterau dysgu.
Byddwch yn gynghorydd cymwys a phrofiadol, gyda phrofiad ymarferol o gwnsela myfyrwyr, ac yn meddu ar brofiad gyda phoblogaethau myfyrwyr amrywiol.
I gael rhagor o fanylion neu i wneud cais, anfonwch e-bost at dîm Cymru ac Affrica Llywodraeth Cymru drwy e-bostio walesandafrica@gov.wales.
Mae’r Rhaglen Cyfleoedd Dysgu Rhyngwladol yn cynnig cyfle datblygu i dreulio wyth wythnos yn Lesotho, Namibia neu Uganda.
Rydym yn mynd ati i ddarparu amrywiaeth eang o brosiectau gyda grŵp o bartneriaid amrywiol sydd ar waith yn y tair gwlad hyn sy’n wahanol iawn i’w gilydd.
Nod y rhaglen Cyfleoedd Dysgu Rhyngwladol yw gwella lles cymdeithasol, amgylcheddol ac economaidd Affrica Is-Sahara a Chymru drwy amrywiaeth o brosiectau sy’n fuddiol i’r ddwy ochr, i gefnogi Nodau Datblygu Cynaliadwy’r Cenhedloedd Unedig.
Mae’r rhaglen Cyfleoedd Dysgu Rhyngwladol yn rhoi cyfle i unigolion o’r sector cyhoeddus, y sector busnes a’r trydydd sector yng Nghymru i weithio ar brosiectau sydd â’r nod o wella eu sgiliau arwain a sicrhau canlyniad datblygiadol i’r bobl y maent yn eu helpu. Mae’r cyfleoedd a restrir isod yn dangos lleoliadau a ofynnwyd amdanynt, ond efallai bod cyfleoedd eraill hefyd ar gael. Yn gyffredinol, rydym yn cynnal tua 10 o leoliadau y flwyddyn ac ni fuasem yn disgwyl anfon mwy nag un person i unrhyw sefydliad ar yr un pryd. Mae’r cynllun hwn ar agor i bawb sy’n byw neu’n gweithio yng Nghymru. Rydym yn enwedig o awyddus i dderbyn ceisiadau gan aelodau o’r diaspora Affricanaidd.
