EN
EN
Mae hwn yn gyfle datblygu, yn treulio 8 wythnos yn Uganda, yn cefnogi bwrdd iechyd rhanbarth gyda’ch arbenigedd ym maes iechyd y gymuned neu atal a rheoli heintiau, fel rhan o’r Rhaglen Cyfleoedd Dysgu Rhyngwladol sydd yn cael ei hariannu gan Lywodraeth Cymru.
Mae’r lleoliad mewn swyddfa iechyd llywodraeth leol yn nwyrain Uganda. Ei gyfrifoldebau yw cynllunio, cydlynu, monitro a gwerthuso’r ddarpariaeth o wasanaethau iechyd o ansawdd i’r boblogaeth gyffredinol yn y rhanbarth. Mae’n ymwneud â hyrwyddo iechyd a threchu afiechyd, ac yn darparu gwasanaethau iachâd, gofal cleifion difrifol a gwasanaethau adsefydlu.
Byddwch yn gysylltiedig ag adran y System Wybodaeth ar Reoli Iechyd, ac yn gweithio’n agos gyda’r bioystadegydd dan oruchwyliaeth Swyddog Iechyd y Rhanbarth. Gall gweithgareddau’r lleoliad gynnwys y canlynol:
Byddwch yn feddyg gyda phrofiad o weithio ym maes iechyd cymunedol, yn arbenigwr ym maes Atal a Rheoli Heintiau, neu yn ddadansoddwr data.
I gael rhagor o fanylion neu i wneud cais, anfonwch e-bost at dîm Cymru ac Affrica Llywodraeth Cymru drwy e-bostio walesandafrica@gov.wales.
Mae’r Rhaglen Cyfleoedd Dysgu Rhyngwladol yn cynnig cyfle datblygu i dreulio wyth wythnos yn Lesotho, Namibia neu Uganda.
Rydym yn mynd ati i ddarparu amrywiaeth eang o brosiectau gyda grŵp o bartneriaid amrywiol sydd ar waith yn y tair gwlad hyn sy’n wahanol iawn i’w gilydd.
Nod y rhaglen Cyfleoedd Dysgu Rhyngwladol yw gwella lles cymdeithasol, amgylcheddol ac economaidd Affrica Is-Sahara a Chymru drwy amrywiaeth o brosiectau sy’n fuddiol i’r ddwy ochr, i gefnogi Nodau Datblygu Cynaliadwy’r Cenhedloedd Unedig.
Mae’r rhaglen Cyfleoedd Dysgu Rhyngwladol yn rhoi cyfle i unigolion o’r sector cyhoeddus, y sector busnes a’r trydydd sector yng Nghymru i weithio ar brosiectau sydd â’r nod o wella eu sgiliau arwain a sicrhau canlyniad datblygiadol i’r bobl y maent yn eu helpu. Mae’r cyfleoedd a restrir isod yn dangos lleoliadau a ofynnwyd amdanynt, ond efallai bod cyfleoedd eraill hefyd ar gael. Yn gyffredinol, rydym yn cynnal tua 10 o leoliadau y flwyddyn ac ni fuasem yn disgwyl anfon mwy nag un person i unrhyw sefydliad ar yr un pryd. Mae’r cynllun hwn ar agor i bawb sy’n byw neu’n gweithio yng Nghymru. Rydym yn enwedig o awyddus i dderbyn ceisiadau gan aelodau o’r diaspora Affricanaidd.
