Cyfarwyddwr x2

Mae Cymru Masnach Deg yn chwilio am ddau aelod bwrdd i ddefnyddio eu sgiliau i arwain ein cyfeiriad strategol, i gefnogi gweithwyr, a hyrwyddo Masnach Deg yng Nghymru.

Byddai’r rolau yma yn gweddu i bobl angerddol, sydd wedi ymrwymo i werthoedd Masnach Deg, ac sy’n gallu cynnig eu hamser i gefnogi cyfeiriad strategol Cymru Masnach Deg. Os ydych chi’n gofalu am gyfiawnder a chydraddoldeb byd-eang, ac eisiau cefnogi twf y mudiad Masnach Deg, yna gallai hon fod y rôl i chi.

Mae Cymru Masnach Deg yn gweithio i gefnogi, tyfu a hyrwyddo’r mudiad Masnach Deg yng Nghymru. Ein gweledigaeth yw creu byd cyfartal, gan ddefnyddio ein gwerthoedd o gefnogi, cydweithio a grymuso.

Mae’r bwrdd yn darparu cyfeiriad strategol cyffredinol i’r sefydliad, sy’n cael ei reoli o ddydd i ddydd gan Bennaeth Cymru Masnach Deg cyflogedig sydd, gydag arweiniad y bwrdd, yn paratoi ac yn cyflwyno cynlluniau busnes ar gyfer y dyfodol.

Mae Cymru Masnach Deg wedi’i sefydlu fel cwmni wedi’i gyfyngu drwy warrant, gyda statws nid-er-elw. Rydym yn gweithio fel rhan o Bartneriaeth Hub Cymru Africa i gynyddu effeithiolrwydd sefydliadau yn y sector rhyngwladol, ac rydym wedi’n lleoli yng Nghaerdydd. Ar hyn o bryd, mae Hub Cymru Africa yn cael ei ariannu gan Raglen Cymru ac Affrica Llywodraeth Cymru.

Sut i wneud cais

Anfonwch eich CV a llythyr eglurhaol byr drwy e-bost, yn egluro pam eich bod chi eisiau ymuno â bwrdd Cymru Masnach Deg at sarah@fairtradewales.org.uk.

Dyddiad Cau: Dydd Gwener y 23ain o Fai, 2025.

Cyfweliadau: Dydd Llun y 9fed o Fehefin, 2025.

Manylion

Yn adrodd i: Cadeirydd y bwrdd

Buddion: Mae hon yn swydd ddi-dâl, ond bydd treuliau rhesymol sy’n gyson ag ymarfer yn y sector gwirfoddol yn cael eu cynnig.

Lleoliad: Gweithio o gartref, gyda chyfarfodydd fideo ar-lein bedair i chwe gwaith y flwyddyn, ac un diwrnod cwrdd i ffwrdd bob blwyddyn/bob dwy flynedd, lle bydd angen teithio iddynt.

Ymrwymiad: Yn hyblyg, ond mae angen mynychu cyfarfodydd bwrdd ynghyd ag ymateb i ohebiaeth e-bost. Efallai y bydd angen cynnal dyletswyddau cynrychioladol eraill mewn digwyddiadau neu is-bwyllgorau o bryd i’w gilydd. Nid yw cyfanswm yr amser yn debygol o fod yn fwy nag un diwrnod y mis.

Pwrpas cyffredinol y rôl

Prif bwrpasau’r rôl:

• Sicrhau bod Cymru Masnach Deg yn cael ei lywodraethu’n dda, drwy gymryd rhan yn weithredol mewn cyfarfodydd bwrdd sy’n gosod cyfeiriad strategol i’r sefydliad
• I arwain tîm bach o staff, a’r amcanion y disgwylir iddynt eu cyflawni
• Darparu profiad perthnasol mewn grwpiau gweithio ad-hoc
• Cefnogi’r Cadeirydd wrth ddelio â chyllidwyr a chysylltiadau allweddol eraill.

Prif gysylltiadau:

• Cadeirydd ac aelodau eraill o’r bwrdd
• Pennaeth Cymru Masnach Deg/aelodau o staff
• Pennaeth Partneriaeth, Hub Cymru Africa
• Y gymuned wirfoddol Masnach Deg yng Nghymru.

Disgrifiad o’r rôl

• Cymryd rhan mewn trafodaethau sy’n galluogi’r bwrdd i ddatblygu cyfeiriad strategol ar gyfer y sefydliad
• Cynrychioli Cymru Masnach Deg mewn cyfarfodydd priodol a swyddogaethau swyddogol
• Gweithredu fel llysgennad dros Fasnach Deg yng Nghymru
• Helpu’r Cadeirydd i sicrhau bod y sefydliad yn cynnal ei faterion busnes mewn modd disgybledig ac effeithlon
• Cadw i fyny â gwybodaeth Masnach Deg ar lefel fyd-eang a lleol
• Cymryd rhan mewn cyfarfodydd a digwyddiadau Cymru Masnach Deg, lle bo hynny’n briodol
• Monitro cynnydd y tîm, i sicrhau bod targedau Cymru Masnach Deg yn cael eu cyflawni
• Cadw i fyny â phapurau’r bwrdd, adroddiadau a gweithgareddau Cymru Masnach Deg
• Cydymffurfio â’r holl geisiadau rhesymol yn unol â manylebau cyffredinol y rôl.