Lleoliad Cymorth i Ddysgwyr yn Lesotho

Mae hwn yn gyfle datblygu, i dreulio 8 wythnos yn Lesotho, yn cefnogi myfyrwyr coleg gyda’ch arbenigedd seicogymdeithasol a’ch sgiliau cwnsela, fel rhan o’r Rhaglen Cyfleoedd Dysgu Rhyngwladol sydd yn cael ei hariannu gan Lywodraeth Cymru.

Ynghylch y sefydliad

Mae’r lleoliad mewn coleg sy’n cynnig hyfforddiant cychwynnol i athrawon, yn ogystal â chyfleoedd datblygiad proffesiynol parhaus i addysgwyr yn Lesotho.

Ynghylch y rôl

Mae uned cymorth myfyrwyr y coleg wedi cael ei sefydlu yn ddiweddar, ac mae’n dal i ddatblygu.

Yn ystod y lleoliad hwn, byddwch yn darparu cymorth i fyfyrwyr y coleg.

Amdanoch chi

Byddwch yn arbenigo mewn darparu cymorth seicogymdeithasol ac/neu gwnsela, ac yn meddu ar agwedd empathig, heb farnu mewn perthynas â materion myfyrwyr.

Sut i wneud cais

I gael rhagor o fanylion neu i wneud cais, anfonwch e-bost at dîm Cymru ac Affrica Llywodraeth Cymru drwy e-bostio walesandafrica@gov.wales.

Rhaglen Cyfleoedd Dysgu Rhyngwladol

Mae’r Rhaglen Cyfleoedd Dysgu Rhyngwladol yn cynnig cyfle unigryw i dreulio wyth wythnos yn Lesotho, Namibia neu Uganda.

Rydym yn mynd ati i ddarparu amrywiaeth eang o brosiectau gyda grŵp o bartneriaid amrywiol sydd ar waith yn y tair gwlad hyn sy’n wahanol iawn i’w gilydd.

Nod y rhaglen Cyfleoedd Dysgu Rhyngwladol yw gwella lles cymdeithasol, amgylcheddol ac economaidd Affrica Is-Sahara a Chymru drwy amrywiaeth o brosiectau sy’n fuddiol i’r ddwy ochr, i gefnogi Nodau Datblygu Cynaliadwy’r Cenhedloedd Unedig.

Mae’r rhaglen Cyfleoedd Dysgu Rhyngwladol yn rhoi cyfle i unigolion o’r sector cyhoeddus, y sector busnes a’r trydydd sector yng Nghymru i weithio ar brosiectau sydd â’r nod o wella eu sgiliau arwain a sicrhau canlyniad datblygiadol i’r bobl y maent yn eu helpu. Mae’r cyfleoedd a restrir yn dangos lleoliadau a ofynnwyd amdanynt, ond efallai bod cyfleoedd eraill hefyd ar gael. Yn gyffredinol, rydym yn cynnal tua 10 o leoliadau y flwyddyn ac ni fuasem yn disgwyl anfon mwy nag un person i unrhyw sefydliad ar yr un pryd.Mae’r cynllun hwn ar agor i bawb sy’n byw neu’n gweithio yng Nghymru. Rydym yn enwedig o awyddus i dderbyn ceisiadau gan aelodau o’r diaspora Affricanaidd.