Gwirfoddolwr digwyddiadau a chymorth cymunedol

Lleoliad

Dewisol – o gartref neu yn y swyddfa yn Windsor Place, Caerdydd (gellir trafod)

Ymrwymiad 

6 awr yr wythnos am 3 mis (fel arfer un diwrnod 6 awr, neu dau ddiwrnod 3 awr) yn dechrau ym mis Gorffenaf neu Awst, gyda’r posibilrwydd o ymestyn y lleoliad gwirfoddoli.

Pwrpas y Lleoliad

Bydd y gwirfoddolwr yn helpu i gynllunio a rhedeg Pythefnos Masnach Deg 2026. Mae’r Bythefnos Masnach Deg yn gyfnod i godi ymwybyddiaeth o’r angen am ffordd fwy teg o fasnachu, dangos cefnogaeth i ffermwyr a chynhyrchwyr ar draws y byd, a dathlu ymrwymiad Cymru fel Cenedl Masnach Deg gyntaf y byd. Mae Cymru Masnach Deg yn cydlynu’r Bythefnos Masnach Deg yng Nghymru bob blwyddyn, ac yn trefnu digwyddiadau codi ymwybyddiaeth, yn sicrhau sylw yn y cyfryngau, ac yn cefnogi grwpiau cymunedol lleol ar draws Cymru.

Bydd y rôl wirfoddoli yn cynnwys:

• Cymryd rhan mewn cyfarfodydd cynllunio’r Bythefnos Masnach Deg
•  Cefnogi’r gwaith o gynllunio, a mynychu, ein digwyddiad ymgysylltu gyda’r Senedd
• Cysylltu gyda grwpiau Masnach Deg yng Nghymru i gasglu gwybodaeth am ddigwyddiadau
• Archebu a threfnu i adnoddau gael eu dosbarthu
• Adolygu a darparu cynnwys ar gyfer ein gwefan, fel y bo’n briodol
• Mynychu digwyddiadau lleol eraill a chasglu cynnwys i’w ddefnyddio ar ein llwyfannau cyfathrebu
• Helpu i drefnu a pharatoi a gosod gweithgareddau Pythefnos Masnach Deg 2026, a helpu gyda’r ochr weinyddol.

Sgiliau a chymwyseddau

• Diddordeb mewn Masnach Deg
• Yn gyfarwydd gyda Google Mail a Drive, neu’n gallu dysgu sgiliau TG yn gyflym
• Cyfathrebwr brwdfrydig a hyderus – yn ysgrifenedig, dros y ffôn ac wyneb yn wyneb
• Y gallu i ddangos mentergarwch a gweithio’n hyderus ar eich pen eich hun ac fel rhan o dîm
• Mae’r gallu i  siarad Cymraeg yn ddymunol, ond nid yw’n hanfodol

Beth yw rhai o’r buddion?

• Profiad a dealltwriaeth o waith Cymru Masnach Deg
• Cyfrannu at gynlluniau a rhaglen Cymru Masnach Deg
• Ennill profiad o gynllunio, gweithredu a gwerthuso prosiectau
• Boddhad o weithio i sefydliad gwerthfawr
• Bydd costau gwirfoddolwyr yn cael eu had-dalu i dalu am dreuliau personol a chostau teithio

Os hoffech gymryd rhan, anfonwch e-bost i enquiries@hubcymruafrica.wales heddiw, a rhoi ‘Gwirfoddoli’ yn y llinell bwnc.