Cymru, Affrica a Menywod

Mae’n bleser gan Hub Cymru Africa gyflwyno noson o ddathlu a chydnabod menywod ar draws y byd fel rhan o Ddiwrnod Rhyngwladol y Menywod, gyda pherfformiadau byw, stondinau, bwyd Affricanaidd, diodydd a chyfleoedd i rwydweithio.

Mae 2026 yn nodi 115 mlynedd ers sefydlu Diwrnod Rhyngwladol y Menywod. Er bod llawer o gynnydd wedi cael ei wneud, mae anghydraddoldeb rhwng y rhywiau yn parhau i fod yn broblem fawr, sy’n niweidio pobl ar draws y byd.  

Mae Diwrnod Rhyngwladol y Menywod yn darparu llwyfan pwysig i ymgysylltu â chymunedau, myfyrio ar gynnydd, ac ymrwymo i weithredu cadarnhaol. Yn y sector undod byd-eang, mae menywod yn arwain yr ymdrech i adeiladu byd teg ar gyfer cenedlaethau’r dyfodol. Boed y frwydr yn erbyn newid hinsawdd, cryfhau iechyd y cyhoedd, dysgu gydol oes neu effeithio ar newidiadau ym maes polisi, mae menywod yn arwain y ffordd.

Ar Ddiwrnod Rhyngwladol y Menywod eleni, rydym yn cofio menyw hollol ysbrydoledig hefyd, sef Claire O’Shea, a oedd yn ymgyrchydd digyfaddawd dros gyfiawnder, ac yn arweinydd ym maes undod byd-eang, Roedd Claire yn bennaeth Hub Cymru Africa tan fis Mai y llynedd, pan fu farw o ganser. Fe wnaeth Claire ymroddi ei bywyd i wella addysg ac iechyd, unigedd, cynhwysiant a chyfiawnder byd-eang ar draws y byd.

Ar ôl ymuno â Hub Cymru Africa yn 2019, daeth Claire yn arweinydd ym maes undod byd-eang a datblygiad rhyngwladol. Roedd hi’n eiriolwr brwd dros y pwysigrwydd o helpu pobl mewn angen ar draws y byd, ac fe wnaeth ei hangerdd at undod byd-eang aros yn gryf, hyd yn oed wrth i’w hiechyd ei hun ddirywio.

Er gwaethaf ei diagnosis a’i rhagolygon, defnyddiodd Claire ei phŵer i herio triniaeth annheg o fenywod yn y gwasanaeth iechyd, ac i frwydro dros ganlyniadau gwell. Llwyddodd i wneud hyn trwy sefydlu ymgyrch yn ei henw – Claire’s Campaign. Rydym yn teimlo anrhydedd mawr mewn cael cwmni Claire’s Campaign ar gyfer y digwyddiad arbennig hwn.

Agenda

18:45 – Drysau’n agor

• Mwynhewch ddiod a’r cyfle i sgwrsio gyda gwesteion eraill.

19:00 – Mae’r digwyddiad yn dechrau gyda chroeso gan ein cyflwynydd, Elemchi Nwosu

19:05 – Cyflwyniad i Hub Cymru Africa gan Israa Mohammed, Cadeirydd Partneriaethau Iechyd Byd-eang Cymru

19:10 – Sbotolau ar brosiectau grymuso menywod gan CGGC

19:15 – Perfformiad: Aïda Diop

• Ewch o gwmpas y stondinau, a daliwch i fyny gyda ffrindiau tra’n mwynhau perfformiad gwych gan Aïda Diop

19:30 – Cinio, rhwydweithio a marchnad

• Mwynhewch fwyd awthentig a blasus Nigeraidd gan Id’s Place, tra’n cwrdd ac ymgysylltu â chefnogwyr o’r maes undod byd-eang a phori stondinau’r sector.

19:45 – Perfformiad: ADJUA

• Mae ADJUA yn gantores – gyfansoddwraig caneuon Alt-R&B, Lladin a funk, a gafodd ei geni a’i magu yn Splott, Caerdydd. Mae ADJUA yn hoffi defnyddio dylanwad ei threftadaeth Cymraeg-Ghanaieg, ac yn arddangos ei sgiliau unigryw mewn recordio a chyfansoddi caneuon, gyda geiriau gwleidyddol a theimladwy.

20:15 – Teyrnged i Claire O’Shea

• Mae cydweithwyr a ffrindiau Claire yn talu teyrnged i ymgyrchydd digyfaddawd ac angerddol dros gyfiawnder byd-eang a rhywedd, a chyn-bennaeth Hub Cymru Africa, Claire O’Shea.
• Cath Moulogo ar etifeddiaeth Claire ym maes undod byd-eang
• Chizi Phiri, un o’r bobl oedd yn arfer cael eu mentora gan Claire, yn siarad am ei rôl mewn grymuso a chefnogi menywod.
• Neges gan Dr Kathrin Thomas a Claire’s Campaign,  sy’n canolbwyntio ar newid polisi drwy leisiau a straeon pobl, a thrwy ymgyrchu i newid y diwylliant o anwybyddu lleisiau menywod mewn gofal iechyd.

20:40 – Cyfarfod a rhwydweithio gyda chefnogwyr a chydweithwyr ym maes undod byd-eang,  a phori trwy stondinau’r farchnad, tra’n bod ni’n chwarae rhestr chwarae bwrpasol o gerddoriaeth Affricanaidd.

20:55 – Sbotolau ar Treeflights a Maint Cymru: partneriaeth rhwng Cymru, Uganda a Kenya 

• Mae Rhaglen Cymru ac Affrica wedi cefnogi Treeflights a’u gwaith yng ngorllewin Cymru a chymuned Boré yn Kenya am fwy na 15 mlynedd. Mae’r ariannu hirdymor wedi bod yn hanfodol o ran helpu i adeiladu newid real, positif yn y ddwy gymuned.  Mae hyn wedi arwain at greu model ymarferol dan arweiniad y gymuned ar gyfer mynd i’r afael â’r dirywiad yn yr hinsawdd ac ar yr un pryd, wedi gwella bywydau a helpu menywod i gael llais cryfach a mwy o bŵer yn Kenya, ac ymgysylltu â chymunedau yng Nghymru.
• Fideo gan Maint Cymru ar brosiect Fuluma Butta.

21:05 – Perfformiad: Tia Zakura Camilleri

• Mae Tia yn artist creadigol o Gaerdydd, sydd wedi gadael marc parhaol ar y dirwedd artistig gyda’i ffocws unigryw ar farddoniaeth a theatr. Mae arddull unigryw Tia, sef ‘flowetry’, yn cyfuno rhythm a chwarae ar eiriau.  Mae Tia-zakura  yn canolbwyntio ar gyfiawnder cymdeithasol, ac yn cyfuno cerddoria.

21:25 – Perfformiad: ZimVoices

• Wrth i’r digwyddiad ddod i ben, rydym yn croesawu ZimVoices, côr o bum menyw o Zimbabwe, sy’n byw yng Nghymru erbyn hyn. Byddant yn perfformio anthemau traddodiadol pwerus a bywiog o Dde Affrica, yn bennaf o Zimbabwe.

22:00 – Diwedd