Aros yn ddiogel ac yn hyderus yn ystod cyfnod etholiad y Senedd

Mae rhedeg elusen fechan yn aml yn golygu ceisio jyglo llawer o gyfrifoldebau,  ac mae bod yn ymwybodol o reolau elusennau a chyfreithiau etholiadol yn gallu teimlo’n frawychus, yn enwedig yn ystod blwyddyn etholiad. Os ydych chi erioed wedi meddwl sut i rannu eich safbwyntiau gwleidyddol personol heb groesi llinellau cyfreithiol, sut y gall eich elusen siarad am etholiadau yng Nghymru, neu beth mae’r cyfnod cyn etholiad yn golygu i’ch gwaith, yna mae’r sesiwn hon yn berffaith i chi.

Dewch i ymuno â Hub Cymru Africa i gymryd rhan mewn gweminar ymarferol, cyfeillgar, awr o hyd gyda Chomisiwn Etholiadol Cymru.  Byddwn yn egluro’r prif reolau sy’n berthnasol i elusennau yn ystod y cyfnod cyn yr etholiad, gydag esboniadau syml ac enghreifftiau o’r byd go iawn sy’n berthnasol i sefydliadau bychain, dan arweiniad gwirfoddolwyr, sy’n gweithio ar brosiectau undod byd-eang.

Yn y sesiwn hon, byddwch yn dysgu’r canlynol:

• Sut i fynegi barnau gwleidyddol personol, heb roi eich elusen mewn perygl
• Beth mae eich elusen yn cael dweud a dim yn cael dweud am etholiadau
• Beth yw’r cyfnod cyn etholiad,  a pha effaith mae’r cyfnod hwn yn ei gael ar eich gweithgareddau
• Sut i gyfathrebu gydag ymgeiswyr AS yn briodol ac yn hyderus
• Sut mae’r rheolau hyn yn effeithio’n benodol ar sefydliadau Cymru-Affrica.

Byddwn yn gorffen gyda thrafodaeth fer am beth mae’r canllawiau hyn yn ei olygu mewn ymarfer i elusennau bychain fel eich un chi, yn enwedig y rhai heb staff cyflogedig, sy’n dymuno parhau i fod yn gydwybodol ac ar yr un pryd, parhau i eiriol dros eu cymunedau a’u partneriaid.

Siaradwyr:

• Paul Shackson, Cyngor Ffoaduriaid Cymru
• Pete Mills, Comisiwn Etholiadol Cymru
• James Wilkinson, Comisiwn Elusennau
• Julian Rosser, Hub Cymru Africa

Mae’r weminar ar-lein hon yn gysylltiedig hefyd gyda digwyddiad sydd yn cael ei gynnal ar 20 Mawrth 2025 am 10am, lle byddwn yn archwilio 10 peth y mae sector undod byd-eang Cymru yn eu hargymell i Lywodraeth nesaf Cymru er mwyn i Gymru adeiladu dyfodol gwell.