Diogelu Hanfodol

Bydd yr hyfforddiant hwn yn tywys cyfranogwyr drwy’r arferion a’r gofynion diogelu hanfodol ar gyfer sefydliadau sy’n gweithio mewn partneriaethau undod byd-eang yn Affrica a Chymru.

Ar gyfer pwy mae’r hyfforddiant hwn?

• Staff, a gwirfoddolwyr sefydliadau sy’n gweithio mewn partneriaeth yng Nghymru ac Affrica, ac sydd eisiau g wella eu polisi a’u harferion diogelu.
• Mae staff partner yn Affrica yn cael eu hannog hefyd i fynychu os yw hyn yn bosibl.
• Staff, gwirfoddolwyr neu ymddiriedolwyr sy’n teithio, neu sy’n cymryd rhan mewn gweithgareddau.
• Pobl sydd heb gwblhau hyfforddiant Diogelu gyda Hub Cymru Affrica eto, neu sydd wedi cwblhau hyfforddiant dros dair flynedd yn ôl, ac sydd eisiau gloywi eu gwybodaeth.

Rydym yn annog Swyddogion Diogelu Dynodedig i gwblhau’r hyfforddiant hwn fel rhagofyniad ar gyfer yr hyfforddiant Swyddog Diogelu.

Nodwch: mae’r hyfforddiant hwn yn ofyniad o dan gynllun grant CGGC i staff, gwirfoddolwyr neu ymddiriedolwyr yng Nghymru sy’n teithio, neu’n cymryd rhan mewn gweithgareddau’r rhaglen, ac i staff a gwirfoddolwyr yn Affrica sydd â rôl yn y diogelu.

Beth fyddwch chi’n ei ddysgu?

Bydd yr hyfforddiant hwn yn tywys cyfranogwyr drwy’r arferion a’r gofynion diogelu hanfodol ar gyfer sefydliadau sy’n gweithio mewn undod byd-eang â phartneriaid yn Affrica. Bydd yr hyfforddiant yn:

• Diffinio Diogelu o fewn cyd-destun rhyngwladol, ac o fewn y cyd-destun yng Nghymru
• Esbonio safonau diogelu byd-eang a sut i’w bodloni
• Trafod sefyllfaoedd ac ymddygiadau sy’n ymwneud â phryder ynghylch diogelu
• Deall pŵer a braint
• Esbonio’r cylch Diogelu, a’r tair colofn atal, adrodd ac ymateb, a sut i gymhwyso’r rhain yn eich sefydliad gan ddefnyddio dull sy’n canolbwyntio ar oroesi
• Rhannu offer i asesu risg, a nodi bylchau mewn ymarfer
• Rhannu templedi ar gyfer dogfennau allweddol y bydd angen i chi gael yn eu lle  i gefnogi’r arferion gorau o ran atal, ymateb ac adrodd
• Defnyddio astudiaethau achos i roi dysgu ar waith.

Bydd rhywfaint o waith ymlaen llaw ar gyfer yr hyfforddiant hwn er mwyn gwneud y defnydd gorau o’r sesiwn grŵp.

Bydd yr hyfforddiant hwn yn digwydd ar-lein drwy Zoom, ac mae’n hyfforddiant cyfranogol.

I alluogi cyfranogiad, argymhellir ymuno o gyfrifiadur neu glwb nodi os yw hynny’n bosibl.

Hwyluswyd gan Sarah Mwebaze, Hub Cymru Africa a CGGC.

Mae Sarah Mwebaze yn arbenigwraig dechnegol o Uganda ym maes diogelu, gyda dros 20 mlynedd o brofiad mewn diogelu gydag oedolion a phlant. Mae ei chefndir yn cynnwys gweithredu fframweithiau diogelu cryf i ddiogelu oedolion bregus mewn lleoliadau cymhleth yn Affrica Is-Sahara, yn ogystal â gweithio fel arbenigwraig ymgynghorol i Plan International, a Partners in Health. Mae Sarah wedi bod yn gweithio gyda Hub Cymru Africa a chymuned Affrica a Chymru ers 2024, gan gyd-arwain hyfforddiant a darparu cyngor a chefnogaeth dechnegol.