< Newyddion Maw 18 Ebr, 2023

Ennill Gwobr Partneriaeth

Mae ceisiadau ar agor tan 25ain Ebrill 2023 ar gyfer Gwobrau Partneriaeth eleni. Er mwyn deall yn well beth mae ennill Gwobr yn ei olygu, buom yn siarad â Dickson Biryomumaisho, Cyfarwyddwr Gweithredol Sefydliad Datblygu Gwenyna Cenedlaethol Wganda (TUNADO), ai sefydliad yn ennillydd y Wobr Cynaliadwyedd yn 2022 ochr yn ochr â Bees for Development, yr elusen yng Nghymru y maent yn gweithio gyda hi mewn partneriaeth. “Rhaid i mi gymeradwyo Hub Cymru Africa am roi her mor arloesol at ei gilydd,” meddai Dickson. "Fy mhrofiad i yw er mwyn ennill, mae'n rhaid bod gennych chi gysylltiad da â'ch partner Cymreig. Allwch chi ddim meithrin perthynas; mae'n rhaid ei fod yn gweithio'n iawn ac yn ddiffuant. Roedd ennill y wobr hon yn anrhydedd fawr, rydyn ni'n falch iawn mewn gwirionedd." Mae TUNADO yn cael ei gydnabod gan y cyhoedd a llywodraeth Wganda i gydlynu actorion cadwyn gwerth yn y diwydiant gwenyna. Fel corff aelodaeth, mae’n uno gwenynwyr, proseswyr, pacwyr, darparwyr gwasanaethau, partneriaid datblygu, y llywodraeth a’r holl randdeiliaid eraill tuag at ddatblygu gwenyna yn Wganda. Mae eu cefnogaeth i ffermwyr mêl lleol yn Wganda wedi cyrraedd 1.2 miliwn o ffermwyr cadw gwenyn, ac mae TUNADO wedi gwthio i 950,000 o fenywod fod yn rhan o’r gadwyn gwerth gwenyna. [caption id="attachment_67706" align="alignnone" width="2048"]

Dickson Biryomumaisho, Cyfarwyddwr Gweithredol TUNADO[/caption] Dywed Dickson fod lefel y proffesiynoldeb a ddangoswyd gan Hub Cymru Africa wrth ddyfarnu'r Wobr wedi gwneud argraff arno. "Creodd y cyfwelwyr amgylchedd hamddenol iawn. Doeddwn i ddim hyd yn oed yn sylweddoli fy mod yn cael fy nghyfweld oherwydd ei fod yn debycach i sgwrs." Cynyddodd ennill Gwobr Partneriaeth ei hyder yn TUNADO a'i bartneriaeth gyda Bees for Development. "Roeddem wir yn gallu gwerthfawrogi ein hunain a'r gwaith rydym yn ei wneud fel partneriaid. Rhoddodd sicrwydd inni ein bod yn deall ein gilydd a'n bod yn wir yn bartneriaid." Bydd enillwyr Gwobrau Partneriaeth 2023 yn cael eu gwahodd i siarad ar banel yn yr Uwchgynhadledd Undod Byd-eang ar 23 Mai 2023. Dywed Dickson fod ennill y Wobr y llynedd wedi bod yn amhrisiadwy wrth dyfu rhwydwaith ac arbenigedd TUNADO. "Cawsom sesiwn gydag ymgynghorydd o Hub Cymru Africa a oedd yn gallu ein harwain trwy faterion fel newid sylweddol, gwerthuso, ac olrhain effaith, sef y wybodaeth yr ydym yn dal i'w defnyddio heddiw. Mae'r wybodaeth a gawsom yn dal yn berthnasol iawn i'r gwaith rydym yn ei wneud i liniaru tlodi ac anfantais. Roedd yr hyn a ddysgom gan Hub Cymru Africa mor ddefnyddiol.” Gwyliwch y fideo isod o Ebrill 2022 o Dickson Biryomumaisho, Cyfarwyddwr Gweithredol TUNADO, a Shawn Lawson, Rheolwr Prosiect Bees for Development, yn trafod ennill Gwobr Cynaliadwyedd y llynedd. [embed]https://www.youtube.com/embed/vwSMgq_oSHM[/embed]

Erthyglau Eraill

Gweld pob un

Pharmaceutical Society of Malawi (PHASOM)

Newyddion

Arweinyddiaeth ym Malawi: Partneriaeth Fferyllfa Gwrthficrobaidd Malawi-Cymru

Iechyd

Maw 14 Ion, 2025 Gweld yr erthygl

New Chair of Hub Cymru Africa meeting with the co-Chair of SSAP, Fred Zimba.

Newyddion, Datganiadau i'r Wasg

Tom Baker yn cael ei benodi fel Cadeirydd newydd Hub Cymru Africa

Maw 12 Tach, 2024 Gweld yr erthygl

Newyddion

Stori Saffron

Masnach Deg

Gwirfoddoli

Llu 3 Meh, 2024 Gweld yr erthygl

Newyddion

Hub Cymru Africa yn cyhoeddi Panel Cynghori Is-Sahara, sydd dan arweiniad cymunedau diaspora, fel ei bartner lletya newydd

Diaspora

Maw 2 Ebr, 2024

Ddeng mlynedd ar ôl sefydlu partneriaeth Hub Cymru Africa, bydd Panel Cynghori Is-Sahara yn cymryd yr awenau oddi wrth Ganolfan Materion Rhyngwladol Cymru, fel y partner lletya newydd. Ar ôl treulio 10 mlynedd yn gweithredu fel partner lletya Partneriaeth Hub Cymru Africa, bydd Canolfan Materion Rhyngwladol Cymru (WCIA) yn cael ei disodli fel partner lletya […]

Gweld yr erthygl